【地板出水】樓下開冷氣搞到地板出水？教你5招拆掂佢！

每逢夏天一出現冷凝水真係頭都痛！最近天氣開始熱，有唔少人都陸續開始喺屋企長開冷氣。不過開得耐就好容易出現樓上樓下出現地板出水或者天花漏水嘅問題，困擾唔少家庭。小編最近都收到唔少讀者有呢個情況出現，今次裝修佬一於同大家分析地板漏水嘅3大原因，再教埋大家用邊5樣法寶拆掂佢！

地板出現冷凝水原因

樓板太薄，冷氣低溫容易傳導到上層地板，形成冷凝水。如果係樓宇嘅問題，大家要共同諗辦法解決。樓上唔好怪樓下開冷氣，人地係有權開冷氣㗎；樓下唔好覺得樓上麻鬼煩，因為大家都係受害者。咁點知係咪樓宇問題？問下其他單位係咪都係咁就知啦。

熱風遇上冷表面，就會凝水。你行出冷氣商場，眼鏡片會凝水；室內常溫空氣遇到你杯凍檸茶，都會凝水。所以，地板濕是因為樓下冷氣令你地板變冷，而你嘅室內空氣相對較熱。係邊個責任？如果樓下係冷藏庫咁，就係樓下責任。如果樓上好似桑拿房咁，就係樓上責任。

「呵」一口氣落玻璃杯，就算溫差好細，一樣會凝水，點解？因為濕度高。所以，樓上唔好淨係識得怪樓下扇葉唔向下之類。你都要度下自己單位的濕度。開抽濕機或者放一個吸濕產品起冷凝水出現位置，都會有助解決問題。

好多時樓下為免被冷氣直吹，才將扇葉向上撥，令天花極冷，傳導到樓上地板，令冷凝水出現。安裝冷氣風擋後，扇葉不用向上撥，有可能解決冷凝水問題。

循環風扇能夠提升冷感，令樓下冷氣不用開咁大，從而減低因天花溫度過份冷凍而令冷凝水出現。

如果樓下天花安裝石膏板假天花，又或者特色天花，可有效阻隔天花變冷，令冷溫無法輕易傳導上樓上地板，令冷凝水不出現。

冷凝水出現的條件是地面冷凍，令熱空氣中的水氣凝固。地暖系統可以完全解決這個問題，電費亦微，但費用較高。

這個鮮為人知的工具，能夠令濕氣較難凝固在建築物的牆身和地面，技術比較複雜，但亦有成功個案支持，電費亦相當便宜。

【小編精選文章】

｜【臭屁蟲高峰期】新界區湧現臭屁蟲教你3大正確處理方法！

免費了解更多不同屋型裝修報價：

公居屋｜https://decoman-publichousing.com/

本文章內容及圖片均由專欄作者裝修佬提供。