「我無諗過事情會喺一日之內發生，無諗過平時喺屋企驚驚青青嘅小動物，忽然間，因為我嘅疏忽，就咁無咗。」身為節目《一切從音樂開始》主持之一，擁有自己的大氣電波時間《聽楓的歌》，商台DJ江慧楓（飛機）慣於以歌會眾，慣於訪問他人，這次放下職業，對著鏡頭，談起身為兩隻狗狗主人的遺憾與自省。
陪伴是最長情的告白。這句網絡上出現過數千遍的糖衣語錄，只有在切切實實的實踐後，才會真真正正的獲得重量。
一百個主人，就有一百個故事，OneDegree今次專訪了三位貓奴狗主，說時間的故事，用時間愛毛孩。第二集，我們聽DJ飛機和狗狗的經歷。
「狗狗嘅世界可以有好多人，有媽媽，有哥哥，有姐姐」
你或許也經歷過，家中突然出現了一隻「小魔怪」。在飛機18歲之年，媽媽帶來了暫託的小狗豆豆，然而一住下便是一輩子。「佢係我第一隻養嘅狗，而Nancy係隨後嚟嘅，對著佢哋，我當時嘅感覺係『呢隻生物有啲古怪』。」
從小到大不算特別熱愛動物，加上飛機是家中的孻女，自自然然和「責任」扯不上邊。「相對於主人，我嘅角色比較似係玩伴，同佢哋一齊跑跑跳跳，而狗狗嘅大小二便、糧食等都係由屋企人負責照顧，因為屋企當時好多人，成七個人咁多，經常聽人講『你就係寵物嘅全世界』，但喺當時嘅我眼中，佢嘅世界可以有好多人，有媽媽，有哥哥，有姐姐，點會係我呢？」
她自問曾不算稱職的狗主，打了預防針之後，就再沒有到訪過診所。幸而Nancy和豆豆一直都健健康康，連小病小痛也沒有。直至，Nancy先走到了十歲的關口。
「如果狗嘅年齡係人嘅七倍，咁Nancy咪即係七十歲？咁咪比爸爸媽媽年紀仲老？」猶如我們對「三十而立」的恐懼，隨著狗狗步入「雙位數」年齡，讓飛機首次有需要負上更多責任的小小自覺。
但真正帶來淚水與強烈衝擊的，是Nancy在疫情期間的一次就診。
為何在遊蕩裡 在遊玩裡 突然便老去
「因為我平日需要通宵當值做節目，𠴱一個朝早，我哥哥打畀我，佢用嘅字眼好嚴重，佢話『Nancy好似唔得喇，狀況有啲彌留』，問我可唔可以帶Nancy去睇醫生。」於是在早上七時多，飛機直奔回家。
診斷的結果，是嚴重的子宮蓄膿。
愧疚感像一次又一次湧起的浪潮，退去一些，又湧上一些，「我唔知可唔可以咁講，但我認為子宮蓄膿最大嘅原因，係無絕育，而無絕育，就係主人嘅責任。如果當初接佢返屋企，我有幫佢絕育，如果我早啲發現，可能佢就唔會子宮蓄膿，可能佢已經撐咗好耐。」當時Nancy體內，很多器官已被破了的膿液浸著，醫生要立即轉介Nancy到二十四小時動物醫院開刀。
手術期間，飛機就在醫院門外一直等一直等，由天亮等到天黑，由獨自一人，等到家人都到齊了。
因為防疫措施限制，獸醫透過電話轉達雖然Nancy的手術成功了，不過仍處於昏迷階段，希望主人能夠給Nancy多一點信心、多一點時間。但是，獸醫同時囑咐，家人可以在外面守候，如果之後由診所通知Nancy的情況，代表牠需要留院觀察，如果是直接致電給他們，代表Nancy不行了，家人要進來見牠最一面。
「大約七點到八點，醫生喺電話到話：『不如你哋入嚟見Nancy吖』。」
孩子總是希望時光可以停留，希望心愛的人事物，永遠不老。
「Nancy好特別，特別細膽特別傻，由細到大都係一隻會畀其他人『恰』嘅狗，例如豆豆會『恰』佢，屋企人會開好多唔同嘅玩笑去笑佢，但佢都仍然好開心好快樂。記得細個𠴱陣，我摸著Nancy，同佢講『唔緊要，大家唔錫你，我錫你，大家都笑你，但我唔笑你。』」
「正因為佢嘅性格係咁傻更更同堅強，當時見到努力呼吸嘅佢，我選擇相信，嗯，佢已經好叻。我相信佢係好努力地去生存到𠴱一刻，用咗最後一口氣去陪伴我哋。」
愛得太遲 或是愛得及時
「由𠴱一刻開始，我知道原來我要擔當起主人嘅責任，我唔可以再咁疏忽，如果我早啲發現，事情就唔會係咁。依家我希望唔好太遲，豆豆可以陪喺我身邊耐啲。」
浪潮退去後，留下了遺憾，留下了自責，但也送上了成長。
自認以前對寵物健康知識十分貧乏的飛機，開始主動去照顧豆豆，帶牠去做身體檢查、絕育，持續觀察牠的身體狀況。豆豆現時已經十二歲了，雖然有第三期的心臟病和白內障，牙齒又因為蛀牙而差不多被剝光，但仍然活潑開朗。每日讓飛機最治癒的時刻，是回到家時，豆豆從房內跑出來那個畫面，「好似媽咪知道你返咗嚟，起身整熱啲湯畀你嘅感覺。」
Nancy離開後，豆豆情緒上也有不少變化，不但變得很黏人，而且有點「分離焦慮」，家裡無人陪伴時，會突然嚎叫長達半小時，又會突然如被嚇到般彈起，「我認為佢嘅行為係源自於不安，因為相依為命嘅同伴唔喺度了。所以我會同屋企人講，我哋不如陪佢多啲，少啲出街吖。如果有任何家庭聚會，都希望留喺屋企一齊食。」
當你曾經以為「狗狗嘅世界可以有好多人」，但其實只要願意，你也可以成為牠的全世界。
「除咗心臟差少少，其實佢都算係一隻健康嘅老狗，嗯，咁我已經覺得好安慰。我知道佢一定會離開，知道佢離開嘅日子可能好近，但我呢一刻最想做到嘅事，係希望佢盡情開心、盡情玩，好開心咁同我哋全部屋企人一齊，咁就足夠了。」
「而最後嘅呢段相處時間，我會盡我能力，畀我俾到嘅最好嘅嘢佢，陪伴佢。」
「佢陪我成長，我陪佢終老。」
*以上醫學意見由受訪者提供
策劃：Kita Leung, Mercury
撰文：Kita Leung
影片製作：Framework Creative Ltd.
導演：Celine Lam
攝影：Yoho
剪接：Bernice So
監製：Kristal Ko, Terry Ng
