【裝修佬】2024最新裝修報價參考 7個必知細節大公開！

唔少戶主買到新樓之外都要做裝修，但係裝修又「無公價」，究竟報價單有咩細節要留意？今次裝修佬就同大家分享下2024裝修最新價格參考，一齊做個精明消費者！

裝修前7個必知細節大公開！

唔少戶主普遍只會裝修屋企一兩次。喺經驗不足嘅情況下，有機會令設計效果未如理想之餘，更加有機會同裝修公司出現糾紛！所以今次就同大家一齊睇睇裝修前7大必知注意細節，避免隱藏爛尾陷阱！

一、唔同報價單嘅內容有無出入？

我哋建議戶主喺裝修前先取得至少2至3份報價單，再比較內容有無分別，例如係價錢或者報價項目。因為唔同嘅設計公司喺出報價前唔會事先溝通，所以肯定唔會漏報一模一樣嘅細項，喺比較之下就可以明顯見到差別！

二、有無寫明起貨日期詳情？

坊間唔少公司會以工作日去計算起貨日期，但究竟計唔計星期六日？計唔計八號風球？所以裝修佬建議一定要事先同裝修公司了解清楚到底工期點計！

三、有無寫清楚任何特殊條款？

特殊條款一定要仔細睇！有唔少戶主因為內容太長，因此簡單睇完算。但其實愈長，愈需要仔細咁睇，因為有機會偷偷地隱藏咗你估唔到嘅奇怪條款！

四、附加收費點樣先係合理？

裝修期間有機會出現好多額外附加收費㗎！所以咁多位戶主一定要喺工程開始前同裝修公司傾清傾楚所有細節。當然～經裝修佬平台嘅監察下，當然可以幫大家避開不合理收費！

五、發現有漏報項目要點處理？

如果睇完報價單有任何唔明嘅地方，除咗記得一定要問返裝修公司，仲可以叫師傅現場逐一講返項目係點樣收費，因為有機會出現師傅漏報嘅情況！

六、去到邊個階段先要比錢？

當然係完成工程之後先比錢！另外大家記得簽報價單前緊記唔好簽「第幾個工作天付費」，或者「邊個工序開始前付款」，唔係就會增加裝修公司走數機會。

七、裝修有爭議需要「法庭見」？

除咗「法庭見」之外，戶主亦可以聯絡公證行處理爭議事項。而我哋平台就選用咗一個高效仲裁機制處理爭議，有效避免「小額、訴訟、收數、停工」呢4大風險！成功避免所有高風險，咁就可以簡簡單單咁裝修！

單位改造翻新｜立即登記即送免費度尺＋免費報價服務！

===============================================

原文連結｜免費度尺報價｜買裝修用料｜睇維修教學

裝修佬Facebook：https://www.facebook.com/hkdecoman

裝修佬Youtube：https://www.youtube.com/@deco-tv

裝修MALL：https://mall.hkdecoman.com/

===============================================

本文章內容及圖片均由專欄作者裝修佬提供。